女生理財靠自己

女生們!而家哩個女性財致獨立自主嘅年代,理財當然都要靠自己啦~
如果妳哋能夠持續做到以下4 ,相信妳哋一定唔需要為錢而閉翳 

1. 訂立理財目標 

  

做每件事嘅第一步就係要訂立目標,當然理財都一樣,想要管理好自己嘅財富,第一件事就係要訂立理財目標 

而訂立理財目標嘅時候,必須要夠具體、貼地同實際,set得太離地嘅話,咁只會係「得個想字」;仲有就係要set一個期限,否則只會俾人類嘅墮性無限延長目標,而失去咗理財嘅動力。俾一個簡單例子大家,以一個月入萬幾嘅打OL嚟講,「我要半年內儲到3萬蚊買dream包包!」就係一個具體同貼地嘅理財目標喇 

2. 投資喺自己身上 

除咗買股票等金錢上嘅投資之外,女生們更加要投資喺自己身上,時時刻刻增值自己,大家不妨好好利用疫情期間留喺屋企嘅時間嚟學多種語言同技能,除咗可以豐富自己嘅生活之外,分分鐘將來可以靠佢嚟賺取額外收入添 

3. 消費前三思!三思!三思 

小編都明白當女仔見到靚嘅衫同精品都會好衝動想即刻擁有佢哋,但往往單純因為「想擁有」就係咁買買買,不知不覺間就洗大咗。所以買嘢前要一定三思、三思、三思 

大家可以試吓「延遲消費」,俾自己一個4872小時嘅「冷靜期」,之後冷靜啲諗吓自己係咪真係仲咁想擁有,或者咁有需要去買,一定要分清楚「想要」同「需要」,避免盲目消費同成為月光族呀 

4. 養成記帳習慣 

近年電子支付逐步流入香港,加上最近疫情問題,大家都少咗出街,多咗喺屋企網購、用外賣app叫外賣而就算出街通常都會偏向使用電子支付,以避免身體同現金接觸 

電子支付的確係超級方便,但大家有冇發現最近每個月嘅支出比之前多咗?咁係因為冇「現兜兜」拎現金出嚟俾錢,冇咗一種實實在在俾錢出去嘅感覺。所以就算用電子支付都好,最好定時做好記帳,避免過度支出 

仲要記得keep住預留一筆「預備金」或「應急錢」,咁就一定唔洗為錢而閉翳啦~ 

>>>更多理財小貼士<<< 

FPS icon