消費陷阱(二) 包裝花招

消費陷阱

上次同大家講過第一種消費者經常中嘅「數字遊戲」消費陷阱,今次就同大家講吓商人點樣透過唔同包裝花招去賺消費者更多嘅錢。哩類陷阱通常係用唔同包裝或容量去售賣同一樣商品,等一啲唔會細算每單位價格嘅消費者「唔小心」買貴咗! 

「環保補充包 

最常見嘅例子就係洗衣液、清潔劑等家用商品嘅「環保補充包」。以一般消費者嘅認知,照道理講環保補充包少咗原裝容器嘅成本,價格應該比原裝更優惠,但好多時哩啲補充包實際換算每毫升價格都比原裝貴,有品牌業者解釋,因為補充包容量比較少,反而每單位的包裝成本會較高。 

「加購價/換購價 

出現喺cashier嘅「加購價/換購價」活動,目的就係令你冇太多時間去諗去計,當你以為好平,但用每單位去計算,其實係貴咗架!俾個例子大家,例如:加$19換購一支200ml嘅沐浴露,以及用$75買一支1000ml嘅原裝沐浴露,邊種比較貴?唔準諗即刻答!…… 所以唔好以為$19就係超值價呀! 

有時看似無傷大雅嘅小零錢,當你唔喺哩啲細位開始理財,幾蚊又幾蚊,哩個正正就係令你荷包慢性失血嘅關鍵! 

FPS icon