生活上的慳錢大法
個個都話要慳錢，唔通個個都識慳錢咩～等小編醒幾個簡單嘅生活慳錢方法俾大家啦！
返工帶頹飯
你以為食頹飯嘅同事好窮？比起日日出去食嘅你，人哋分分鐘有錢過你！自己買料煮飯絕對比出街食平超多！小編當你一年返260日工，出街食每餐$70，即係一年要洗大約$18,200。如果每日花少少時間自備頹飯，的確可以慳到唔少錢。
戒飲咖啡
好多人習慣朝早開工前去連鎖咖啡店買杯咖啡提神，照舊小編當你一年返260日工，連鎖咖啡店咖
48小時冷靜法則
而家網上購物真係超級方便，撳幾撳就可以輕鬆購物，所以一個唔小心就好容易「衰衝動」！你可以採用「48小時冷靜法則」。當你睇中任何商品時，先加入購物車（唔好撳結帳呀～），等48個鐘之後，再睇返購物車入面嘅嘢，分分鐘你會有以下嘅諗法：「其實都唔係好需要姐」、「望真啲都唔靚嘅」、「應該有再平啲嘅」…… 咁你就可以避免到好多衝動消費，最緊要係識得「斷捨離」呀。
小心消費陷阱
好多人買嘢之前都會寫shopping list，但往往到咗買嘢嘅時候都因為商店嘅消費陷阱而唔可以做到「依單行事」，結果就俾預算買多好多嘢。
Click入去睇吓有咩好易中招嘅消費陷阱：
SHOPPING TRAP 1 SHOPPING TRAP 2
購買自家品牌
買日常用品同食品時，可以選購超市或者日用品商店嘅自家品牌產品（例如：麥片、水、紙巾等）。佢哋除咗比一般大牌子平好多之外，質量都冇咩大分別，其實好多時只係貴喺個牌子到咋！
每日清散銀
每晚返到屋企之後第一時間清空褲袋同銀包入面嘅散銀，將所有散銀放入錢甖到都可以輕鬆儲錢。唔好睇少嗰幾蚊呀，所謂「積少成多，聚沙成塔，集腋成裘」，不知不覺間就可以儲到一個可觀嘅數字！
睇完以上幾個方法，可能個個都話而家識得點慳錢，但唔通個個都會堅持咩～所以當你肯比人哋堅持多一日，你就比佢哋累積多啲財富架喇！
